អានផងដែរ
“Our first met”
វិលត្រឡប់ទៅកាលពី 8 ឆ្នាំមុន ខ្ញុំមានអាយុ 22 ឆ្នាំ
ហេីយខ្ញុំមិនបានរៀនជំនាញអីទេ គឺនៅជួយការងារប៉ាម៉ាក់នៅផ្ទះ ហេីយរឿងកិច្ចការផ្ទះ
ធ្វេីម្ហូប គឺខ្ញុំជាអ្នកចាត់ចែងទាំងអស់។ តាំងពីខ្ញុំចប់ថ្នាក់ទី 12 មក ខ្ញុំមិនដែលបានចេញទៅជួបគេឯងឱ្យស្គាល់គេអីអត់ទេ ខ្ញុំតែងនៅក្នុងផ្ទះជួយការងារប៉ាម៉ាក់
ពេលអស់ការងារទំនេរយប់ឡេីង ខ្ញុំចូលចិត្តអានសៀវភៅរឿងប្រលោមលោក
មេីលរឿងភាគផ្សេងៗតាមទូរទស្សន៍។ កាលពេលដែលខ្ញុំរៀននៅវិទ្យាល័យ
ក៏មានគេមកចែចង់ខ្លះដែរ តែដោយសារប៉ាម៉ាក់ខ្ញុំជាមនុស្សតឹងរុឹង
គាត់ឱ្យខ្ញុំគិតតែរឿងរៀនទេ ណាមួយខ្ញុំមិនសូវចេះដឹងអារឿងស្នេហាអីហ្នឹងទេ
មិនដឹងអាស្រលាញ់គ្នាជាសង្សារហ្នឹងគេស្រលាញ់ម៉េចទេ។ ជាក់ស្ដែង
ប៉ាម៉ាក់ខ្ញុំជាអ្នករកសុីតាមផ្ទះមែន តែគាត់ក៏មានដៃគូរកសុីសម្រាប់សហការគ្នាដែរ
ហេីយដៃគូរកសុីគាត់ខ្លះក៏ជាមិត្តភក្តិជិតស្និទ្ធិគាត់ដែរ។ ស្របពេលនោះដែរ
កន្លែងរកសុីប៉ាម៉ាក់ខ្ញុំរកសុីកាក់កបខ្លាំង
រហូតដល់មានដេីមទុនគ្រប់គ្រាន់ពង្រីកថែមសាខាមួយទៀត។ ពេលកន្លែងរកសុីខ្ញុំសាងសង់
និងរៀបចំតុបតែងហេីយ
ប៉ាម៉ាក់គាត់រៀបចំកម្មវិធីតូចល្មមដេីម្បីចាត់ទុកជាការជប់លៀងក្នុងការសម្ភោធហាងថ្មីផង។
នៅក្នុងកម្មវិធីនោះដែរមានការចូលរួមពីសំណាក់មិត្តភក្តិ និងដៃគូរកសុីគាត់ប្រមាណ 10 នាក់ជាង។ ខ្ញុំជាមនុស្សដែលអាចហៅបានថា introvert ព្រោះកាលនៅរៀនក៏មិនសូវមានមិត្តភក្តិប៉ុន្មានដែរ
មានតែអ្នករាប់អានធម្មតា គ្មានមិត្តជិតស្និទ្ធិ
ចឹងទៅថ្ងៃជប់លៀងនោះខ្ញុំសម្ងំនៅតែខាងក្រោយហាង ហេីយប៉ាម៉ាក់
និងបងស្រីខ្ញុំក៏បានឱ្យខ្ញុំចេញទៅមុខជួបគេឯងខ្លះដែរតែខ្ញុំមិនចង់ចេញទៅ
ខ្ញុំមិនដឹងទៅនិយាយអីជាមួយគេ តែប្រកែកចុះប្រកែកឡេីង
ពួកគាត់បង្ខំខ្ញុំចេញទៅមុខទាល់តែបាន។ ពេលដែលខ្ញុំចេញទៅ
ប៉ាម៉ាក់បានហៅខ្ញុំឱ្យជម្រាបសួរពូមីងទាំងអស់ជាធម្មតាតែសម្រាប់ខ្ញុំវាអត់ធម្មតាទេ
ព្រោះខ្ញុំមិនទម្លាប់នឹងការជួបជុំគ្នាច្រេីនទេខុសពីបងស្រីខ្ញុំដាច់ដែលគាត់ជាមនុស្សរួសរាយ
គ្រាន់តែការងារផ្ទះទាំងប៉ុន្មានគាត់មិនបានចូលធ្វេីទេព្រោះគាត់ដឹងមានខ្ញុំអ្នកធ្វេីស្រាប់។
ពេលខ្ញុំជម្រាបសួរពួកគាត់គ្រប់គ្នាអស់ហេីយ ខ្ញុំក៏ដេីរមកក្រោយហាងវិញ 😆។ ស្រាប់តែប្រហែលមួយអាទិត្យក្រោយ
ម៉ាក់គាត់ចូលមកបន្ទប់ខ្ញុំ ហេីយគាត់ថាមានរឿងចង់និយាយជាមួយខ្ញុំ
គាត់ប្រាប់ខ្ញុំថាមានដៃគូរកសុីគាត់មានកូនប្រុសដែលអាយុប្រហែល 26 ឆ្នាំ ហេីយសព្វថ្ងៃកំពុងរៀនតផ្នែកបណ្ឌិតនៅភ្នំពេញ
ហេីយដៃគូរកសុីគាត់បានឃេីញខ្ញុំថ្ងៃសម្ភោធហាងហេីយ គាត់មានអារម្មណ៍ថាចូលចិត្តអត្តចរិតខ្ញុំដែលស្រគត់ស្រគំមិនសូវចេះមាត់
មិនតែងខ្លួនរញ៉េរញ៉ៃច្រេីន គាត់ចង់ណែនាំកូនប្រុសគាត់និងខ្ញុំឱ្យស្គាល់គ្នាសិន
បេីសិនមេីលចិត្តគ្នាត្រូវគឺនឹងការយកតែម្ដង។ My first reaction after លឺម៉ាក់ប្រាប់ខ្ញុំអញ្ចឹងហេីយ ខ្ញុំប្រញាប់ស្រែកថាទេតែម្ដង
ព្រោះខ្ញុំមានអារម្មណ៍ខ្លួនឯងមិនទាន់ដឹងខ្យល់ស្អីផង ម៉ែឱ្យយកប្ដីយ៉ាងម៉េច?
សំខាន់មិនដែលទាំងជួបមុខគ្នាទៀត។ ខ្ញុំប្រកែកខ្លាំងជាមួយម៉ាក់ណាស់
រហូតដល់ម៉ាក់គាត់អត់និយាយរកខ្ញុំច្រេីនថ្ងៃ រហូតដល់បងស្រីគាត់មកនិយាយជាមួយម្ដង។
បងខ្ញុំអាយុ 27 ឆ្នាំកាលនោះ រៀងខុសគ្នាពីខ្ញុំច្រេីនឆ្នាំដែរ
តែគាត់ជាបងស្រី ជាមិត្តភក្តិ ជាគ្រូ ជាអ្ន្ផ្ដកដំបូន្មានល្អៗឱ្យខ្ញុំរហូត
រហូដល់គាត់បន្ទន់ចិត្តខ្ញុំឱ្យទៅជួបកម្លោះ 26
ឆ្នាំនោះបានសម្រេច។ បងខ្ញុំថា កុំទាន់គិតច្រេីនពេក
ទៅដល់មុនបាច់ញញឹមដាក់ម្នាក់ប្រុសហ្នឹងទេ ធ្វេីតែមុខស្មេីដាក់គេទៅ គេដឹងតែមិនចាប់អារម្មណ៍យេីងហេីយ
(បងស្រីខ្ញុំកំពូលតែម្ដងរឿងចឹងៗ 😆)។ ពេលដល់ថ្ងៃទៅជួបគេមែនទែន
គឺខាងគេបានទៅដល់កន្លែងញាំអីមុន ហេីយពួកខ្ញុំទៅដល់ក្រោយ ខ្ញុំឈរពីក្រោយបងស្រីខ្ញុំរហូត
ហេីយខ្ញុំជម្រាបសួរអុំប្រុសស្រី ហេីយដល់ពេលម្នាក់ប្រុសនោះវិញខ្ញុំគ្រាន់តែមេីលមុខហេីយ
ខ្ញុំញញឹមចុងមាត់ដាក់តិចហេីយខ្ញុំចូលអង្គុយធម្មតា។ ពេលចាស់ៗនិយាយគ្នា
ខ្ញុំក៏ងាកតិចៗទៅមេីលម្នាក់ប្រុសហ្នឹង ឃេីញថាមុខមាត់មិនស្អាតខ្លាំងទេ
គឺអាចយកជាការបាន កម្ពស់កម្ពក៏ល្មម តែថាមុខងាប់ជាងខ្ញុំទៀត
ថាខ្ញុំទៅមិនញញឹមតែអាគាត់ហ្នឹង អាពេលខ្ញុំញញឹមដាក់គាត់មិនញញឹមដាក់វិញទេគ្រាន់តែងក់ក្បាលដាក់បន្តិច
ហេីយបន្ទាប់ពីនោះគឺអត់មេីលមុខខ្ញុំសោះ។ ខ្ញុំចាប់ផ្ដេីមលួចសប្បាយចិត្តតិចៗហេីយ
ព្រោះដឹងតែមុនបានការហេីយដោយសារគេអត់ចាប់អារម្មណ៍ខ្ញុំផង។
កាលជំនាន់នោះគ្មានមកបានលេង Facebook លេងអីទេ មានតែលេខទូរស័ព្ទ ហេីយប៉ាម៉ាក់រៀងខ្លួនចេះតែឱ្យពួកខ្ញុំយកលេខគ្នាទុកទៅគ្រាន់បាននិយាយគ្នា ហេីយពួកខ្ញុំចេះតែយកៗឱ្យតែហេីយៗទេ ព្រោះដឹងថាគ្មានថ្ងៃបាននិាយគ្នាស្រាប់ហេីយ បេីជួបថ្ងៃទីមួយមុខយក្សដាក់គ្នាប៉ុណ្ណឹងហេីយនោះ។
បន្ទាប់ពីជួបគ្នាលេីកទីមួយហើយ ខ្ញុំមិនមានអារម្មណ៍ថាមានសម្ពាធអីទេ សប្បាយៗ chillៗ ធម្មតា ព្រោះគិតថាគ្មានថ្ងៃម្នាក់ហ្នឹងព្រមរៀបការដាច់ខាត ខ្ញុំក៏ដូចគ្នា តែគ្រប់យ៉ាងខុសពីការគិត ដោយ 2 ខែក្រោយ ម៉ាក់ខ្ញុំបានមកសួរថាទំនាក់ទំនងពួកខ្ញុំដល់ណាហើយ? ខ្ញុំមិនដឹងឆ្លេីយយ៉ាងម៉េចជាមួយគាត់ព្រោះមិនបាននិយាយគ្នាសោះ ភ្លេចទាំងលេខម្នាក់នោះទៀតថាបាន save ដាក់ឈ្មោះគេថាម៉េច។ ខ្ញុំក៏ថា អត់មានអីផងទៅគាត់ថាអឺបេីអត់មានអីទេថ្ងៃស្អែកទៅជួបគេជាមួយប៉ាម៉ាក់ម្ដងទៀតព្រោះអាគាត់នោះគេសម្រាកមកលេងផ្ទះ 2-3 ថ្ងៃ ហេីយគ្រួសារខាងគេចង់ឱ្យពីរនាក់យេីងបានស្គាល់គ្នាឱ្យច្រើនជាងមុន ព្រោះបេីចាំតែទាំងពីរនាក់មិនដឹងបានទៅមុខអត់ទេ។ ខ្ញុំក៏យល់ព្រមតាមហ្នឹងទៀត 😖 ព្រោះមនុស្សខ្លាចប៉ាម៉ាក់ណាស់ ហេីយប៉ាម៉ាក់ក៏ចាស់ៗហើយដែរ គាត់ហត់នឹងការងាររកសុីគាត់ហេីយ ខ្ញុំមិនចង់ឱ្យខ្ញុំជាបន្ទុកទេទេីបខ្ញុំធ្វេីតាមគាត់។ ពេលទៅដល់ជួបគ្នាលេីកនេះ គេប្លែកជាងមុន គេចេះញញឹមរួសរាយ ហេីយគេសួស្ដីខ្ញុំមុនទៀត ខ្ញុំប្លែកចិត្តដែរតែព្យាយាមទប់ចិត្តកុំឱ្យចេញមកថាយេីង over react ពេក។ ដល់ពេលនិយាយគ្នាអុំប្រុសគាត់និយាយលេងធម្មតាហើយសួរនាំខ្ញុំថាអាគាត់វនោះម៉េចដែរ? មានធ្វេីអីឱ្យខ្ញុំអន់ចិត្តអត់ 2 ខែហ្នឹង ហេីយមានទុកខ្ញុំចោល ឬធ្វេីអីចឹញមកមិនសមរម្យដាក់ខ្ញុំអត់? ខ្ញុំឡឺសំណួរហេីយវិលវល់ពេញក្បាលព្រោះមិនដឹងឆ្លើយថាម៉េចដោយសារពួកខ្ញុំអត់បាននិយាយគ្នាសោះ។ ដល់ពេលម៉ាក់គាត់ឃើញខ្ញុំស្ទាក់ស្ទើគាត់ក៏ជួយនិយាយទៅអុំប្រុសវិញថា "បងឯងទៅសួរចឹងធ្វេីអី គ្នាម៉េចហ៊ានឆ្លើយ ណាមួយខ្លាចតែកូនស្រីខ្ញុំនេះទេដែលធ្វេីឱ្យកូនបងឯងអត់ពេញចិត្តព្រោះគ្នាមិនសូវបានចេញទៅណាទេ នៅតែផ្ទះហើយមិនសូវចេះមាត់ទៀត។ មែនអត់ក្មួយ?" អាគាត់នោះពេលលឺម៉ាក់ខ្ញុំសួរចឹងទៅគេក៏ថា "បាទ 😊 អូនគាត់អត់សូវចេះមាត់មែនតេីមីង តែអត់អីទេខ្ញុំចេះតែនាំគាត់និយាយពីនេះពីនោះទៅ" (ជ្រេញឬកណាស់បងប្អូនអេីយ មិនដែលទាំងខលមករកឯងម្ដងហេីយមកនិយាយថានាំឯងនិយាយ 😏) ពេលញាំហេីយ ចាស់ៗគាត់ដេញឱ្យខ្ញុំពីរនាក់ចេញមកខាងក្រៅនិយាយគ្នាលេងទៅក្រែងមានចាស់ៗនៅអៀន ព្រោះនៅក្រៅហាងគេមានសួនឱ្យអង្គុយលេង ខ្ញុំក៏ថាអត់អីទេ នៅនេះក៏បាន តែអគាត់នោះថា ទៅក្រៅទៅស្រួលនិយាយជាង ហើយគេងើបឈរ រួចដេីរមកជិតខ្ញុំចាំឱ្យតែខ្ញុំងើបទៅជាមួយគេ។ ខ្ញុំមិនដឹងប្រកែកយ៉ាងម៉េចក៏ងើបហេីយដេីរទៅតាមគេទៅទាំងក្នុងចិត្តភ័យចង់ជ្រុះសក់ព្រោះអាគាត់នេះខុសពីលេីកមុន 360 ដឺក្រេ។ ពេលចេញទៅដល់ក្រៅសួនគេក៏ចាប់ផ្ដេីមនិយាយមុន
គេ: ប៉ាម៉ាក់បង្ខំដែលមែន?
ខ្ញុំ: ចាស?
គេ: ចង់សួរថាប៉ាម៉ាក់បង្ខំឱ្យមកជួបខ្ញុំដែលមែន?
ខ្ញុំ: ម៉េចដឹង?
គេ: គ្មានអីត្រូវពិបាកដឹងទេ មេីលតាមទឹកមុខក៏ដឹងថាមុនពេញចិត្តមកទេ តែប៉ាម៉ាកលជាអ្នកឱ្យមក
ខ្ញុំ: ចាស
គេ: ចេះនិយាយតែចាសទេអី? អត់ចេះនិយាយពាក្យអីផ្សេងទេ?
ខ្ញុំ: អត់ដឹងនិយាយអីទេ
គេ: ការពិតខ្ញុំមានសង្សារហេីយ
ចាំបន្ត EP ក្រោយទៅអ្នកទាំងអស់គ្នា ព្រោះទម្រាំបានបានប៉ុណ្ណេះ admin សរសេរ 1h កន្លះបានហេីយ តែចាំមេីល EP ក្រោយដឹងតែចាប់ផ្ដេីមជក់ចិត្តបន្តិចៗហេីយ xD. Enjoy your reading everyone 😍
